Pretoria

Ons tuistes

Argitek Len Joubert het ons  idees op papier vasgepen en so het dit gebeur dat ons in  September 1987 sooie gespit het. Vandag is die veld ver  weg en is die huise orals om ons. Selfs die bome het al mooi groot geword

Bouwerk vorder goed - November 1987

So lyk dit as mens besluit om 'n swembad te laat bou. Eers kom grawe hulle 'n gat, breek jou muur en maak orals hope grond. Dan word sandsakke gepak, staal gevleg, beton gespuit, en siedaar.....dit eindig as 'n bron van groot plesier en 'n eersteklas kinderopasser.

 Struisbaai

In 1976 het ek en Madely die Kaap van die weskus tot by Port Elizabeth getoer. Struisbaai het ons harte gesteel. In 1986 het ons weer gaan kyk en ons plek gaan vaspen.

Ons vriend Len het weereens potlood op papier gesit en na 'n lang gesukkel om 'n kontrakteur te vang het ons belegging uiteindelik vorm aangeneem. In 1990 het ons ingetrek, na die tradisionele vingerbyt en senuwee toetsing.

 Hierbo is dit in Augustus 1990 en langsaan in Desember 1990.

Later het ons 'n motorhuis bygesit om die prentjie klaar te maak.